Kejutan tès urin jang para calon Kades di Purwakarta

Tes Urin calon Kades

Warta Warga
Gaya na euy Purwakarta, para calon Kades dipanggil ka Polres, ari undangan na mah cenah rèk dèklarasi Pencegahan, Pemberantasan, Penyalahgunaan dan Peredaran Gelap Narkoba (P4GN).

Loba nu reuwas tah! Naha sabab?

Ternyata pas nepi ka Polres tèh para calon Kadès tèh ngadon di TES URIN. 

Aya ogè nu teu reuwas, da manèh na mah tara makè narkoba. Ceuk Pa Dedy Tabrani (Kapolres) mah aya 23 calon Kadès, anu rek miluan Pilkades serentak. 

Mèmeh nyalon alus ogè tah, di tès heula. Bisi positif narkoba, bakal langsunh diproses. Hasil tès urin na bakal kaluar minggon payun.

Kitu ceuk berita na Tribun Jabar (1/12/2017).

Ieu daftar desa nu rèk Pilkadès na:

• Kecamatan Jatiluhur: Desa Jatinekar jeung Desa Mekargalih.
• Kecamatan Plered: Desa Linggar Sari jeung Desa Liung Gunung.
• Kecamatan Pondoksalam: Desa Sukajadi.
• Kecamatan Bojong: Desa Cipeundeuy.
• Kecamatan Sukatani: Desa Cianting.